ಬಿಸಿ ಊಟ, ಪೌಷ್ಟಿಕ ಆಹಾರ ನೀಡದಕ್ಕೆ ಮಕ್ಕಳು ಶಾಲೆಗೆ ಬೀಗ ಜಡಿದು ಪ್ರತಿಭಟನೆ.

ಬಿಸಿ ಊಟ, ಪೌಷ್ಟಿಕ ಆಹಾರ ನೀಡದಕ್ಕೆ ಮಕ್ಕಳು ಶಾಲೆಗೆ ಬೀಗ ಜಡಿದು ಪ್ರತಿಭಟನೆ.

ಕೊಡತಗೇರಿ Express ಸುದ್ದಿ

ಗಜೇಂದ್ರಗಡ:

ಮಕ್ಕಳು ಅಪೌಷ್ಟಿಕತೆ ಯಿಂದ ಬಳಲಬಾರದು ಎಂದು ಸರಕಾರ ಗುಣಮಟ್ಟದ ಆಹಾರವನ್ನು ಶಾಲೆಯ ಮಕ್ಕಳಿಗೆ ಪೂರೈಸುತ್ತದೆ. ಆದರೆ ಶಾಲೆಯ ಕೇಲವು ಶಿಕ್ಷಕರ ತಾತ್ಸರದಿಂದ ಮಕ್ಕಳಿಗೆ ಗುಣಮಟ್ಟದ ಆಹಾರ ಸಿಗದೆ ಅಪೌಷ್ಟಿಕತೆಯಿಂದ ಇನ್ನೂ ಬಳಲುತ್ತಿದ್ದಾರೆ ಅಂತಹದೇ ಘಟನೆ ಸಮೀಪದ ಲಕ್ಕಲಕಟ್ಟಿ ಗ್ರಾಮದಲ್ಲಿ ನೆಡದಿದೆ.

ಹೌದು ಬಿಸಿ ಊಟ, ಪೌಷ್ಟಿಕ ಆಹಾರ ನೀಡದಕ್ಕೆ ಮಕ್ಕಳು ಶಾಲೆಗೆ ಬೀಗ ಜಡಿದು ಪ್ರತಿಭಟನೆ ಮಾಡಿ ಅಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಬೀಗ ಹಾಕಿ ಆಕ್ರೋಶ ವ್ಯಕ್ತಪಡಿಸಿದರು. ಮುಖ್ಯ ಶಿಕ್ಷಕಿ ಎ.ಎಸ್ ರಾಠೋಡ ವಿರುದ್ಧ ಮಕ್ಕಳು ಆಕ್ರೋಶ ವ್ಯಕ್ತಪಡಿಸಿದರು.

ಕಳೆದ 15 ದಿನಗಳಿಂದ ಮಕ್ಕಳಿ‌ ಮೊಟ್ಟೆ, ಶೇಂಗಾ ಚಕ್ಕೆ, ಬಾಳೆ ಹಣ್ಣು ಪೌಷ್ಟಿಕ ಆಹಾರ ನೀಡ್ತಿಲ್ಲ. ಇನ್ನು ಮಧ್ಯಾಹ್ನ ಬಿಸಿ ಊಟ ಎಲ್ಲಾ ಮಕ್ಕಳಿಗೂ ಸಮರ್ಪಕವಾಗಿ ಕೊಡ್ತಿಲ್ಲ ಎಂಬ ಆರೋಪ ಮಕ್ಕಳದ್ದಾಗಿದೆ. ಇಲ್ಲಿ 1 ರಿಂದ 7ನೇ ತರಗತಿ ವರೆಗೆ 441 ಮಕ್ಕಳು ವ್ಯಾಸಂಗ ಮಾಡ್ತಿದ್ದಾರೆ. ಅವರಿಗೆ ಮಧ್ಯಾಹ್ನ 2:30 ರಿಂದ 3 ಗಂಟೆಗೆ ತಡವಾಗಿ ಬಿಸಿ ಊಟ ನೀಡುತ್ತಾರೆ. ಜೊತೆಗೆ ಕೇವಲ ಒಂದೆರಡು ಕೆಜಿ ತರಕಾರಿಯಲ್ಲಿ 441 ಮಕ್ಕಳಿಗೆ ಬಿಸಿ ಊಟ ಹಂಚಿಕೆ ಮಾಡ್ತಾರೆ. ಧ್ಯಾನಗಳಿಲ್ಲದ ತಿಳಿ ಸಾಂಬಾರು, ಹುಳು ಹತ್ತಿದ, ಬಲಿತ, ಕೊಳೆತ ತರಕಾರಿ ತಂದು ಊಟ ತಯಾರಿಸುತ್ತಾರೆ. ಆದ್ರೆ ಲೆಕ್ಕ ಪುಸ್ತಕದಲ್ಲಿ ಎಲ್ಲವನ್ನೂ ದಾಖಲು ಮಾಡಿರುತ್ತಾರೆ ಎಂಬ ಆರೋಪ ಮಕ್ಕಳದ್ದಾಗಿದೆ.

ಮುಖ್ಯ ಶಿಕ್ಷಕಿ ಎ.ಎಸ್ ರಾಠೋಡ ಬೇಡವೇ ಬೇಡ, ಮಕ್ಕಳ ಹಿತ ಕಾಪಾಡದ ಶಿಕ್ಷಕಿ ನಮ್ಮೂರ ಶಾಲೆಗೆ ಬೇಡ ಅಂತ ಪಟ್ಟು ಹಿಡಿದಿದ್ದಾರೆ. ಸ್ಥಳಕ್ಕೆ ಜಿಲ್ಲಾಧಿಕಾರಿ, ಶಿಕ್ಷಣಾಧಿಕಾರಿಗಳು ಬರುವಂತೆ ಮಕ್ಕಳು ಪಟ್ಟು ಹಿಡದಿದ್ದಾರೆ. ಶಿಕ್ಷಕಿ ವರ್ಗಾವಣೆ ಆಗುವ ವರೆಗೆ ಶಾಲೆಗೆ ಬರೋದಿಲ್ಲ ಅಂತ ಮಕ್ಕಳು ಪಟ್ಟು ಹಿಡದಿದ್ದಾರೆ.

ಬಾಕ್ಸ್.೧)
ನಮ್ಮ ಶಾಲೆ ಹೆಡ್ ಮಾಸ್ಟರ್ ನಮ್ಮಗ ಸರಿಯಾಗಿ ಊಟ,ತತ್ತಿ, ಶೇಂಗಾ ಚಿಕ್ಕಿ, ಇವು ಯಾವೂ ಕೊಡಗಿಲ್ಲ ರೀ, ಪಾಠ ಮಾಡಕ್ಕಾ ಚಾಪೀಸ್ ಕೇಳಿದ್ರ ರೊಕ್ಕಯಾರು ನಿಮ್ಮಪ್ಪ ಕೊಡತ್ತಾನ ಏನು ಅಂತಾ ಬೈತಾರೀ. ಪೌಯಖಾನೆ, ಕ್ಲಾಸ್ , ಗ್ರೌಂಡ್ ಎಲ್ಲಾ ನಮ್ಮ ಕಡೆಯಿಂದನೆ ಕ್ಲೀನ ಮಾಡಸ್ತಾರೀ ಅದಕ್ಕೆ ನಮ್ಮಗ ಈ ಹೆಡ್ ಮಾಸ್ತರ ಬ್ಯಾಡರೀ.
……..
ನೀಲಮ್ಮ- 7ನೇ ತರಗತಿ ವಿದ್ಯಾರ್ಥಿನಿ

1. ಬಾಕ್ಸ.೨)
   ಸರ್ಕಾರವೂ ಸೂಕ್ತವಾಗಿ ಮಕ್ಕಳಿಗೆ ಸೇರಬೇಕಾದ ಪೌಷ್ಟಿಕಾಂಶಯುಳ್ಳ ಆಹಾರಗಳನ್ನು ನಿಗದಿತ ಸಮಯಕ್ಕೆ ನೀಡಬೇಕಾಗಿದ್ದು ಎಲ್ಲರ ಕರ್ತವ್ಯವಾಗಿದೆ.ಲಕ್ಕಲಕಟ್ಟಿ ಗ್ರಾಮದಲ್ಲಿನ ಘಟನೆ ಕುರಿತು ಕ್ಷೇತ್ರ ಶಿಕ್ಷಣಾಧಿಕಾರಿಗಳಿಗೆ ಸ್ಥಳಕ್ಕೆ ಬೇಟಿ ನೀಡಿ ಮಾಹಿತಿ ನೀಡುವಂತೆ ಸೂಚನೆ ನೀಡಿದ್ದೇನೆ. ತಪ್ಪಿತಸ್ಥರ ಮೇಲೆ ಕ್ರಮ ಕೈಗೊಳ್ಳುವೆ.
   …………………
   ಎಮ್.ಎ.ರೆಡ್ಡೇರ
   ಡಿಡಿಪಿಐ ಗದಗ.